History of ABGS

દેશ ભરમાં ફેલાયેલા ગુજરાતી સમાજો એક સૂત્રે બંધાય તમામ સમાજોની હડી રૂપ એક સંસ્થા હોવી જોઈએ તેવો વિચાર લાંબા સમયથી ચાલતો હતો આવી એક સંસ્થા હોય તો તમામ સમાજો એક બીજાની નજીક આવે તેમને નડતી સમસ્યાઓનું નિરાકરણ કરી શકાય અને દેશભરમાં ફેલાયેલા ગુજરાતીઓ એક બની માતૃ રાજ્ય ગુજરાતના વિકાસમાં પણ એક બની સહયોગ આપી શકે. એક બીજા સમાજો વચ્ચે સંકલન કરી શકે તેવી એક સંસ્થાની આવશ્યકતા લાંબા સમયથી અનુભવાતી હતી. અને એક સમયે આ સ્વપ્નું પણ સાકાર થયું અને એ સંયોગ સર્જાયો ૧૯૬૮માં અને એ માટે નિમિત્ત બન્યું શ્રી દિલ્હી ગુજરાતી સમાજ. શ્રી દિલ્હી ગુજરાતી સમાજે પોતાની સ્થાપનાના ૭૫ વર્ષ હિસ્ક મહોત્સવની ઉજવણી ભવ્ય રીતે ૧૯૬૮ માં ૧૧ મી ફેબ્રુઆરી ને રવિવારના દિવસે કરી અને આ જ દિવસે દિલ્હી ગુજરાતી સમાજના હીસ્ક મહોત્સવની ઉજવણી માટે ખાસ નિમંત્રણથી દેશભરમાંથી આવેલા વિવિધ ગુજરાતી સમાજના પ્રતિનિધિઓએ લાંબા સમયથી વિચારણામાં રહેલા સ્વપ્નને મૂર્તિમંત કર્યું અને શ્રી અખિલ ભારત ગુજરાતી સમાજની સ્થાપના કરી.

જોગાનું જોગ દિલ્હી ગુજરાતી સમાજના હીરક મહોત્સવના શુભ અવસરે ગુજરાત રાજ્યના તત્કાલિન મુખ્ય મંત્રી શ્રી હિતેન્દ્રભાઈ દેસાઈ ખાસ ઉપસ્થિત રહ્યા હતા અને તેમની હાજરીમાં જ આપણા આ ગુજરાતી સમાજની રચના કરાઈ અને તેનું શુભ ઉદ્ઘાટન પણ તેમના હાથે કરવામાં આવ્યું હતું. તેમની શુભકામના આ ઐતિહાસિક પ્રસંગે આપણા નવા સંગઠનને બળ આપનારી બની રહી હતી.

આ શુભ અવસરે શ્રી જયસુખલાલભાઈ હાથી, શ્રી મનુભાઈ શાહ, શ્રી ખંડુભાઈ દેસાઈ, શ્રી શાંતિલાલ શાહ, શ્રી ત્રિભુવનદાસ પટેલ સહિતના ગુજરાતી શ્રેષ્ઠીઓ ઉપરાંત ગુજરાતના સાંસદ સભ્યો આ શુભ ઘડીના સાક્ષી બન્યા હતા. સંસ્થાની સ્થાપના પ્રસંગે મુખ્ય મંત્રીશ્રી હિતેન્દ્રભાઈએ નવા સંગઠનને શુભેચ્છા પાઠવતાં રાજ્યા સરકારની આ નવા સમાજ પ્રતિ કાયમ મીઠી નજર રહેશે એવી ખાત્રી આપી હતી. તેમણે આ અવસરે ગુજરાતની વિશેષતાઓને બિરદાવી હતી.